Praktek lepkom ujan - ujanan

                          

                Dalam cerite ini ade lima orang yang terlibat pertame aye “panggil aje dhavi” terus ade tito, tito nih gerakannye lambat bener udeh kaye kuskus, hobinye bengong bocahnya selow melow, tugas belom ngerjain selow aje diemah, semua dibawa selow Ama die, satu lagi nih die irit alias medit ama duit hahaha.. yang ketiga dodi, nah ini sih biasa aje anaknye lebih ke pinter Ama sopan sama orang laen, begini nih temen harus saling melengkapi ye kalo kata orang dulumah, jangan pinter, pinter semua apalagi bego, bego semue, berabe ntar. Nah duenya lagini cewek namanye dinda ama syifa dia orang ni bedua mulu kemane – mane, makan bedua minum bedua, duduk bedua, ampe pacar bedua juga ntar nih gua rasa.

                Jadi begini ni, kelasan kita tuh ada yang Namanya praktek lepkom, prakteknye tiap hari jum’at jem setengah 4 ampe jem 6  biasanye. Singkat cerita udah hari jum’at nih kita berangkat kuliah dulu ye, salim dah tuh yakan ama orang tua, “pak mak berangkat” kata gue, “iya hati hati,lu belajar yang bener ye” berangkat dah tuh, eh gua balik lagi, “lha kok balik lagi?” kata emak gue, salah bawa konci mak, lha emang itu konci apaan ?, konci T mak, yeeee elu mau nyolong motor? emak gue ngomeldahtuh.

                Akhirnya berangkat dah tuh gue, dan sampelah gue ke kampus. Sampe parkiran gua keluar lagi gataunya gue salah Gedung, jum’at kan gua di E napa ke G hadeuh kacau masih pagi ada aje dah cobaan, keluar lagi tuh gue, sampe lah gua di Gedung E udh bener ni. Gua langsung kekelas. Matkul pertama gue itu b.inggris sampe setengah sepuluh, terus lanjut Psk.b ampe setengah dua belas, tapi diemah jem 11 juga udeh kelar, enakye dosen mah bebas, mahasiswa bisa ape? Tiba saatnya solat jum’at, gue tito ama dodi otw betigaan, jangan rame – rame mau tauranlu?

                Sampe di mesjid masih sepi soalnya baru jem 11, "mabarkuy” kata tito, ini kata - kata legendaris banget nih , si dodi nih jagonya maen ginian, lah tito? Bocah epic abadi diemah. Kalo gue jago, jago ngeprank tapi, bawa santai aja cuma game doangan. Maendah tuh kite bertiga dapet dua kali maen alhamdullilah nih ya menang, buset kitamah jago Cuma temennya aja kadang suka dapet yang gadanta. Udah jem 12 kita wudhu dengerin khutbah ceramah tapi tidur lebih enak kayanya, yaudah gini ajadah dengerin khutbah sambil tidur hehehe..

                Kira – kira jem setengah satu kelar tuh solat jum’at, masuk jem setengah dua. Kite biasa ngaso dulu di masjid setengah jeman belajar baca modul praktkum ampe jem satu “Apaan belajar, ngomongin orang iye”. Nah udeh jem satu kita cabut ke kampus, eh Taunya gak ada dosen, gua tanya ke ketua kelas dosen Ade pay?  “dosennya gak ada,adanye telor gulung, nih maulu dhav?" kata paya, ye sa ae ketua kelas. Gabut dah tuh kita sekelas nunggu lepkom, setengah tigaan yang laen pada otewe, terus si dodi ngajak berangkat, berangkat apaan dod ? berangkat haji? Apa umroh? “yee berangkat lepkom njir” kata dodi. Tapi ya namanye kita bocah mageran ye, kalo belom mepet ogah berangkat “ntr ajasidod” tito nyaut, Jam tigaan mulai mendung dan bener ajani tau – tau mendadak digoreng dadakan, eh mendadak gerimis maksudnye. Tuhkan ujan gimana nih, gimana nih? Kata syifa ama dinda

                Oiya sekedar tau temen kelasan gua udah pada berangkat sisa kite berlima, kita langsung jalan keparkiran, diparkian ketemu syaffa ama si amel baru mau otw juga, sampe parkiran ujan deres banget mana anginnya kenceng lagi. Gausah lepkom aja kaliye “iyaya orang ujan” kata syifa, “sayang tapi dhav nilainya” kata dodi. Tito bilang make jas ujan aje dap, gue gapunya to beloman beli, belilah di indomaret, ngomonglu ama ember, kaga liat ujan deres gitu. “gimana ni inimah awet njay ujannya” sidinda bilang, udalah tungguin ampe reda aje. Sidinda tau tau ditelpon tuh ama sipidyah ditawarin bareng die naek grabcar mau dahtuh akhirnya cabut si dinda ama syifa ama amel ama syafa neak grab, motornya syaffa ditinggal di kampus. Sisa kita betiga nih cowok – cowok, tito ama dodi masih kekeh banget berangkat, lah iye die ada jas ujan.

                Kata syaffa nih pake jas ujan gua aja nih dari pada gak lepkom lu sayang tau, yaudeh iye, gua pake dah tuh jas ujannye  yang ponco, yang kalo dipake pas dijalan bunyi klepek klepek. Make jas ujan dah tuh gua dodi tito, berang berang bawa tongkat berangkaaat, sampedah kita di kampus f tempat lepkom. Perjuangan banget ye, karna idup emang harus banyak perjuangan, apalagi dapetin kamu penuh perjuangan pastinye, yeu sa aelu bulu kaki. Tempat lepkom parkirannye banjir semata kaki, tapi kondisi udh gaujan Cuma gerimis aje tapi bisa bikin baper makanye tiati. Diparkiran ketemu si ripki ama paiz. baru sampe juga die padahal jalan duluan Herman gua,motornya kaga ditaekin kali Ama die tapi di dorong, siripki nyeker make kaos bolabola kolor doang, woy ki mau berenanglu, “mukalu berenang, gue begini biar kemeja ama celana gua gabasah anjir” kata si ripki.
                Buset niatlu, "niatlah buat masa depan" kata ripki. Berat banget emang dah emang omonganlu, kaya orang bener ajelu. Sampe lepkom temen temen gua pada langsung masuk, tapi gue dodi tito kaga, kita solat dulu, karena kita hidup kan buat ibadah ye, emangnye sepenting apesih urusan dunia Ampe ampe berani ninggalin solat? Sombong amat roman2nye Ama allah. Kelar solat allhamdullilah masih bisa masuk diijinin ama asisten labnya, ininih salah satu berkahnya selama lu dijalan allah lu gausah takut gak diijinin masuk karna telat, allah pasti bantu percaya dah, akhirnya gua praktek, gua beda gak seruangan sama tito, dodi karena beda fundamental die DBMS kalo gue WEB.

                Kelar praktek kira – kira jam 18.10 wib. Kebetulan kelas praktek gua keluar duluan biasanye mah belakangan, maklum lagi dapet materi yang kaga ribet, gak kaya Jum'at kemaren kodingannye banyak bener. Galame dodi ama tito juga udah kelar, kita bertiga solat maghrib dulu di mushola bidan soalnya mushola yang biasa solat lepek sajadahnya gara - gara keujanan, abis solat kite makan nasi uduk cisalak seperti biase, sambil menikmati pemandangan Lalu lalang pengendara yang pulang bekerja.